Онлајн шопинг во Македонија и Уникатно

„Онлајн продавниците се доста атрактивно нешто. Нема потреба од шетање низ продавници, туку едноставно од дома пред компјутер си одбирате што сакате, го нарачувате и го имате. “ – преземено од it.com.mk

Така можете да одберете нешто уникатно – парче облека, модни додатоци, накит, декорации за домот или нешто за вашето дете не излегувајќи од дома. Нашата продавница е специфична, затоа што на едно место можете да најдете работи од повеќето креативци, кои живеат и работат во различни места во Македонија. Креациите од нашите творци се изработени во различни стилови, така да секој може да најде нешто за себе или за подарок. Целата понуда е уредена во неколку главни категории па во подкатегории за да можете лесно да пребарувате, освен тоа ви даваме сугестии за подароци или модни предлози, ги нагласуваме промоциите – сето тоа за ваш лесен шопинг!

„...недовербата во продавниците останува голема. 20 отсто од 330 испитаници рекоа дека не им веруваат на сајтовите, додека 17.9% рекоа „би сакал/а, но не знам дали е сигурно“. Само 21 отсто од нашите посетители рекоа дека ќе купат нешто од онлајн продавниците.

Најголемиот дел од испитаните рекоа дека немаат картичка да платат, 41% или 135 анкетирани. Ова значи две работи: 1. платежните картички се уште не се вообичаена работа во Македонија, иако е лесно да се извадат, пример, дебитна се вади само со лична карта, 2. луѓето немаат доволно голем стандард да можат да се опуштат, да извадат кредитна/дебитна картичка и да купуваат онлајн. “ – it.com.mk

Каде е Уникатно во однос на овие истражувања? Зошто кај нас можете да купувате со доверба?
Ви даваме гаранција дека ако производот не ги исполни вашите очекувања може да го  вратите а Уникатно ќе ви го врати соодветен износ на пари. Ова е поради тоа што ја  разбираме специфичноста на купување облека или модни додатоци - потешко се купува преку интернет, сепак покрај слика и детален опис, нештото можеби нема да Ви стои убаво и нема да бидете задоволни – во таков случај можете да го вратите производот, во рок од 10 дена од добивање на пратката, без да наведете причина за враќањето.

Секој творец се труди да достави слики од производите во што можно најдобар квалтет и соодветен опис – од што е изработена креацијата и какви се нејзини карактеристики – димензии, материјали итн.

Производот ќе стигне до кај Вас брзо - за 3-5 работни дена. Ќе платите по испорака, значи во моментот на добивање на пратката.
И на крај – вашите податоци што ги оставате кај нас се безбедни. Ги користиме исклучително да Ви ја испорачаме пратката.